Call-center: 1007

Умумий масалалар бўйича: 232-10-07

Ўзбекистон Республикаси Бош прокуратураси

Қонунчилик тарғиботи

Қонунчилик тарғиботи

Прокуратура органлари томонидан 2016 йил давомида мамлакатда қонун устуворлигини таъминлаш, қонунийликни мустаҳкамлаш, фуқароларнинг ҳуқуқ ҳамда эркинликларини, жамият ва давлатнинг қонун билан қўриқланадиган манфаатларини ҳимоя қилиш, ҳуқуқбузарликларнинг олдини олиш ва профилактика қилиш борасида муайян ишлар амалга оширилди.

Бу жараёнда алоҳида эътибор амалдаги қонунчиликни такомиллаштириш, профилактик тадбирларнинг самарадорлигини ошириш, жамиятда ҳуқуқий маданиятни юксалтириш орқали ҳуқуқбузарликлар содир этилиши сабаблари ва шарт-шароитларини бартараф этишга қаратилди.

Қонунийликни мустаҳкамлаш, қонунлар мазмунини кенг жамоатчиликка етказиш, шунингдек, ҳуқуқни қўллашнинг ягона амалиётини шакллантириш мақсадида прокуратура органлари томонидан 119.119 та, шу жумладан оммавий ахборот воситаларида 22 мингдан ортиқ тарғибот тадбирлари ўтказилди.

Амалдаги қонунчиликни янада такомиллаштириш мақсадида, Бош прокуратура ташаббуси асосида 12 та қонун, Ўзбекистон Республикаси Президентининг 2 та фармони, 2 та қарори ҳамда Вазирлар Маҳкамасининг 3 та қарори қабул қилинди.

Қонунийликни мустаҳкамлаш ва жиноятчиларни ушлашда бевосита кўмаклашган 62 нафар фуқаролар рағбатлантирилди.

Ўзбекистон Республикаси
Бош прокуратураси

Ўзбекистон Республикаси прокуратураси